حوارات زوجية مووووت ضحك !!!

حوارات زوجية مووووت ضحك !!!






زوجين فقارى


الزوجة : حبيبي تذكر يوم زواجنا ؟
الزوج : إي شلون ما أذكر أفا عليك بس
الزوجة : يالله متى ؟
الزوج : بعد ما بعت سيارتي التيوتا بأسبوع عشان مهرك
الزوجة : يا حياتي كل هذا عشاني
الزوج : شفتي شلون أحبك
الزوجة : بو مطلق شكثر تحبني ؟
الزوج : كثر الأقساط بحياتي
الزوجة : الله يعني كثير
الزوج : أهم شي تكونين راضية عني يا أم مطلق
الزوجة : بصراحة زعلانة عليك
الزوج : أفا والله عسى ما شر يا الغالية ؟
الزوجة : أمس كنت مشتهية هارديز وما رضيت أطلب
الزوج : والله ما كان عندي فلوس المعاش خلص
الزوجة : أجل شلون عازمني على كوفي شوب ألحين ؟
الزوج : تسلفت من أخوي ثلاثين لا تطلبين كثير
الزوجة : افففف وش هالعيشه
الزوج : ما دام الحب يجمعنا لا تهتمين يا حياتي ولا تفكرين إن أبوك يطالبني 5 آلالاف
الزوجة : شنو شنو ؟
الزوج : انا ما قلت لك؟
الزوجة : شنو بعد ؟ سالفة جديده ؟
الزوج : انا دفعت ألفين من مهرك وقلت حق أبوك الباقي أقساط
الزوجة : حتى انا أقسااااط




زوجين أغبياء ودمهم ثقيل


الزوج : يا حيالله أبو الوجه الصبوحي .. أبو الوجه الصوبوحيي ييي يييي
الزوجه : لا تذكرني بلندن بروحي ودي أسافر لها
الزوج : اشدخل لندن ؟
الزوجة : هذي مو أغنية عبدالكريم اللي صورها بالـ هايد بارك
الزوج : والله ما أدري بس يسويها عبدالكريم عبدالقادر
الزوجة : ودي أروح لندن وأنت معاي
الزوج : لا والله
الزوجة : شفيك علي اليوم
الزوج : يعني مع منو بالله .. العادة تروحين مع السايق مثلا ؟
الزوجة : لا مو قصدي السايق .. بعدين احنا ما عندنا سايق شلون أروح معاه ؟
الزوج : اللهم طولك يا روح
الزوجة : خلاص خلاص غير الموضوع
الزوج : حبي لجك ماله حدود
الزوجة : الله وناسه يعني بدون جوازات ولاشي
الزوج : اي ذكرتيني .. أمس رحت دوار الجوازات بجدد جوازي ما لقيت أحد
الزوجة : يا حظي مو بدوار الجوازات
الزوج : مو انتي ذيك المرة قلتي سويتي حادث وودّوك دوار العظام ؟
الزوجة : بصراحة مو متأكدة
الزوج : تدرين إن لازم يسوون دوار بإسمنا انا وياج
الزوجة : الله دوّار حبنا




زوجين مو صاحيين

الزوج : تصدقين بيوم عرسنا كنت خايف حدّي !
الزوجة : انا كنت خايفه عليك بعد
الزوج : كنت خايف أبوك يفشّلنا ويقدم من البوفيه حق بيتكم
الزوجة : نعم نعم ؟
الزوج : أتغشمر معاك شفيك!
الزوجة : عيل ما شفت أمك واهيا تعلك خفت عليها يطيح حنجها
الزوج : عاد ما أرضى على أمي
الزوجة : حتى انا ما أرضى أبوي
الزوج : أخوك الكبير بأي محل برْدات مفصّل دشداشته ؟
الزوجة : يمكن بنفس المحل اللي فصلت فيه أختك مو متأكده
الزوج : تذكرين خالتك لابسه كعب ثلاث طوابق
الزوجة : اي تذكرت لما كانت واقفة يم خالتك اللي حاطه حمره تقول شاربه شاني
الزوج : تصدقين أحلى ما فيك بالعرس النفره اللي طالعه بجبهتك
الزوجه : وااي انت تهبل بالشعر اللي طالع من أذونك
الزوج : شرايك نمشي ونكمل سوالف بالطريق؟
الزوجة : على راحتك حبيبي


زوجين أغنياء


الزوج : أقول حبيبتي شرايك بغدانا أمس في فينيسيا ؟
الزوجة : بصراحة القعدة حلوة بس أكلهم مو زود
الزوج : انا بصراحة عجبني أحسن من مطعمنا في روما
الزوجة : انزين انا رايحة باريس تمورو بتسوّق تبي شي من هناك ؟
الزوج : متى بترجعين ؟
الزوجة : ما أدري على حسب يمكن توو دييز وأرجع
الزوج : خذيتي مليونك من أبوك ؟
الزوجة : وييه الله يعافيك روح أخذه ما يمديني
الزوج : عيل بأي حساب بتتسوقين ؟
الزوجة : ما عليه بصرف من حساب خلودي ولدي فيه 300 ألف
الزوج : عاد رديهم له مو تنسين حرام فلوسه يبي يستانس فيهم الولد
الزوجة : انت وين بتروح في هالويكند ماي سويت هارد ؟
الزوج : ودي أروح معاك بس مواعد الوليد بن طلال عازمني على العشا باكر
الزوجة : اوكي انا بسافر بالطياره الرمادية عبّيتها بانزين ؟
الزوج : اي فيها بانزين أكيد وانا بروح باليخت مالي ودي أحدق بطريق رفحا
الزوجة : قود نايت حبيبي وسويت دريمز
الزوج : قود نايت ماي سويت هارد


زوجين صواريخ "شلاخين"

الزوجة : ما قلت لك يوم طاحت فينا الطيارة ذيك السنة ؟
الزوج : مرة ثانية ؟
الزوجة : اييي مرة ثانية يوم أمي تعلقت بجناح الطيارة وطارت عبايتها
الزوج : اوف اوف اوف صدق والله !!
الزوجة : أمي مسكينة ايدها تعبت وهدت جناح الطيارة
الزوج : وبعديييين ؟
الزوجة : الحمدلله ما صار فيها شي أبوي لحق عليها بالبرشوت
الزوج : الحمدلله والا بغت تروح فيها مسكينة
الزوجة : انا من الخرعة طبيت بدون برشوت وبدون ولا شي
الزوج : وبعدييييييين ؟
الزوجة : لقيت أبوي بالسما مع أمي قلت لهم لحقوني
الزوج : سبحان الله شوف الصدفة
الزوجة : اي انا عقبها حرمت اركب طيارات
الزوج : انا مرة بغيت أموت يوم كنت أسوق سيكل وطحت فيه من الجسر
الزوجة : اسم الله عليك وبعديييين ؟
الزوج : الحمدلله اني طحت على ساعتي ما تعورت
الزوجة : وليش طحت من السيكل ؟
الزوج : انا كنت دايس تقريبا 200 فيوم صعدت الجسر لف السيكل فيني
الزوجة : وبعديييييييين ؟
الزوج : جان أتصل على الاسعاف يمكن بالطيحة أتعور لا سمح الله
الزوجة : هذا وانت طايح من السيكل وتتصل ؟
الزوج : اي وما وعيت والا أدعم الصبّة حقت الجسر وأطيح من فوق
الزوجة : وبعدييييين ؟
الزوج : كان أحط التلفون بمخباتي ولبست ساعتي
الزوجة : كنّه صك علي .. اي كمّل
الزوج : جان طربااااخ وإلا أطيح على ساعتي وتكسرت والا الاسعاف وصلوا
الزوجة : الحمدلله على السلامه



زوجين صغار

الزوج : تصدقين خلصت المرحلة الأخيرة بهاللعبة ؟
الزوجة : بيييه انا من زمان خلصتها .. ألحين عندي لعبة جديدة
الزوج : أقول دقي على هارديز اطلبي لي هابي ميل
الزوجة : اي حتى انا مشتهية هابي ميل يوزعون معاها لعبة شرايك
الزوج : وإذا دق علي حمني البطّه قولي له مو موجود
الزوجة : انزين قوم خل نكمل بلاي ستيشن
الزوج : لحظة متابع حلقة سلاحف النينجا ألحين بتطلع على سبيس تون
الزوجة : شايفتها هالحلقة مو حلوة
الزوج : عاد لاتخربين علي يوم طلع باباي البوكيمون ما خربت عليك
الزوجة : خلاص خلاص لا تزعل بعدين تروح تنادي أمك
الزوج : ترى والله أحاربك من صدق
الزوجة : عطني كبوسي حقي انا شريته
الزوج : يعني نحاسه .. انا أوريك بس يخلص الباباي





زوجين نكته


الزوج : يقولك في مدرس سأل الطلبة اللي غبي يوقف .. كان يوقف واحد سأله المدرس ليش وقفت ؟ قال ما حبيت أشوفك واقف بروحك يا استاذ :>
الزوجة : يعني دمك خفيف ؟ اسمع : في مرة واحد دخل السلك الدبلوماسي تكهرب هاهاهاها
الزوج : يخرب بيت الملاقه سمعي : كلب شوارع مر على مركز شرطة شاف كلب بوليسي قال : آآخ لو مكمل دراستي هههههه
الزوجة : ترى صدق صدق دمك ثقيل اسمع : في واحد قاعد يطق الدجاجه حقتهم ليش ؟
الزوج : ليش ؟
الزوجة : يقولها كل يوم بيض كل يوم بيض ما في جبن .. هي هي هي
الزوج : ملاقه كذا ما شفت سمعي : في ورع عمره ثلاث سنوات قال حق أمه الحامل شنو في بطنك ؟ قالت له : هذا أخوك الصغير ..
الزوجة : هاهاهاهاهاها
الزوج : لحظة ما خلصت يا الغبية !!
الزوجة : اوكي
الزوج : قال لها : تحبينه ؟ قالت له : اي أحبه .. قال لها : أجل ليش بلعتيه ؟
الزوجة : خلصت ؟
الزوج : يالله الحين الناس يضحكون :>




صدق قسمة ونصيب

__________________


تحياتي،،

اخر العنقود